పుత్రోత్సాహం

నిన్న గాక మొన్న 

పుట్టిన బుడతడు;

డబ్బా పాలు వద్దంటూ

ఏడ్చి మరీ 

అమ్మ పాలు తాగిన 

అసాధ్యుడు;

ఇంటిలోని చాక్ పీసులన్ని 

చాటుమాటుగా చప్పరించిన 

చిలిపి కృష్ణుడు;

మొదటి రోజు 

స్కూల్ కి వెళుతూ 

నాన్న... నేను .. నేను... 

చూలుకి వెళుతున్నా అంటూ 

నాకొక ముద్దు, వాడి అమ్మకొక ముద్దు 

పెడుతుంటే, తండ్రిగా ఏదో తెలియని 

ఆనందం - మరదేనేమో పుత్రోత్సాహం . 

                      ***

ఫుట్ పాత్ పుస్తకాలు ...

  

* * * 
ఆ పుస్తకాలన్నీ ఒకప్పుడు
అద్దాల షోకేసుల్లో
అందంగా కొలువు తీరినవే !
నాజూకుగా  ఒకరినుండి
మరొకరికి చేతులు
మారినవే!

* * *
ఆ పుస్తకాలు  ఒకప్పుడు
ఎందరో విద్యార్థులకు
ర్యాంకుల పంట పండి చినవే
ఇదుఅంకెల కొలువులు

అందించినవే

* * *
ఆ పుస్తకాలు ఒకప్పుడు
ఎన్నో అలసిన మనసులకు
ఆహ్లాదాన్ని పంచినవే
మేధస్సుకు పదును
పెట్టినవే 

* * *

అరలు నిండాయానో 

అభిరుచులు మారాయనో

అట్ట  చిరిగిందనో
లేక పుటలు ఊడాయనో
కిలోల చప్పున అమ్ముడుపోతాయి
ఇలా ఫుట్ పాత్ లపై చేరిపోతాయి
* * *  

కొత్త పుస్తకాలకు నోచుకోలేని
ఏ పేద విధ్యార్దో
జిజ్ఞాసను చంపుకోలేని

ఏ మధ్యతరగతి చదువరో

వాటిని కోనేవరకు
ఆప్యాయంగా గుండెలకు
హత్తుకోనేవరకు
అవి  ఎండకు ఎండాల్సిందే
వానకు తడవాల్సిందే.
* * *